Wafdiga madaxweynaha ayaa waxaa soo dhaweeyay madaxweynaha dalka Turkiga Abdullah Gull , isagoona kulan kula qaatay xarunta  madaxtooyada "Cankaya Palace " ee magaalada Ankara.

Madaxweyne ayaa lagu wadaa in uu u sii gudbo dhankaas iyo caasimadda Istanbul halkaas oo uu kula kulmi doono r/wasaaraha dalkaasi Racep Tayeb Ordogan.

Ujeedka safarka madaxweynaha oo ay ku wehliyaan wasiirro ka tirsan xukuumadda Soomaaliya ayaa lagu sheegay casuumaad uga timid dowladda Turkiga taas oo ay ku kala soxooxan doonaan heshiisyo isugu jira dhanka gaashaandhigga, dib u dhiska iyo taakuleynta dowladda.

Waa safarkii ugu horeeyay oo uu madaxweyne Xasan Sheekh ku tago dalka Turkiga tan iyo markii la doortay.